Мары книгі издательство у тыменьмї иэш школвлілін подаркам йімдїлен: 10 классышты тыменьшївлілін «Мары литература» хрестоматин икшї частьшым пецітлен лыктын.
Книгім Г.В. Сергеева дон Г.Н. Бояринова йімдїленїт, книгі комым Л.Г. Маланкина сїлнештірен.
Хрестоматим общеобразовательный школвлілін келшїшї мары литература программа семїнь цымырымы. Тїшкї С.Чавайнын «Оты» лыдышыжы дон «Элнет» романжым, М. Шкетанын «Сардай» драмыжы дон «Эренгер» романжым, Н.Игнатьевїн «Савик» романжым кїтїкемден пыртымы, Олык Ипайын «Яндиар» поэмїжїм кырык марла сірен пумы (В.Петухов сірен).